كود -Bfmtv //

كَيحقق موقع OnlyFans أرباح كبيرة بزاف، حيث كياخذ تقريباً 20% من المداخيل ديال 4 مليون صانع محتوى فالعالم، من بعد موت مولاه ليونيد رادفينسكي، بسبب السرطان السيمانة اللي فات على 43 عام، ولات المرا ديالو، يكاترينا تشودنوفسكي، هي اللي عندها الدور الكبير فالشركة.

هاد السيدة معروفة بحياتها العائلية وخدمتها فالأعمال الخيرية، وماكانش عندها حتى ارتباط بعالم المحتوى الإباحي، ولكن دابا ولات عندها حصة كبيرة فالشركة بصندوق عائلي، كيسوى تقريباً 5.5 مليار دولار.

دابا القرار فإيدها واش الموقع غيبقى خدام بنفس الطريقة وكيعتمد على المحتوى الإباحي، ولا غتحاول تبدل الاتجاه ديالو

الموقع كيبان بحال شبكة تواصل اجتماعي، ولكن فالحقيقة الربح الكبير ديالو جاي من المحتوى الجنسي، وخا أنه فيه غير 42 موظف، وقدر يحقق 7.2 مليار دولار فـ2024.

كاينين انتقادات كتقول إن OnlyFans ساهم فانتشار وتطبيع المحتوى الإباحي فالإنترنت، باش يوسع النشاط ديالو، وخا الموقع طلق منصة جديدة سميتها OFTV فيها محتوى عادي بحال الكوزينة والرياضة، ولكن حتى المستخدمين كيعرفو أن الفلوس الكبيرة جاية من الإباحية.

من جهة أخرى، الإحصائيات كتشير أن نسبة كبيرة من الناس كيشوفو المحتوى الإباحي خصوصا الشباب، هادشي كيبين علاش الموقع باقي ناجح، الشركة كتقول إنها كتراقب المحتوى وكتمنع أي محتوى ماشي قانوني، وكتستعمل حتى الذكاء الاصطناعي وفرق كبيرة للمراقبة واصلة حتى لـ1500 واحد.