كود سبور//

كيعيش اتحاد طنجة حالة صعيبة بسبب الأزمة المالية ديال النادي، اللي عاجز المكتب المديري برئاسة محمد الشرقاوي انه يحلها.

مصادر مطلعة، كشفت ان لاعبين اتحاد طنجة رجعو للإضراب تاني، وما تدربوش البارح الجمعة، وهذا الشي قبل آخر حصة تدريبية اللي غتكون عند الفريق اليوم السبت، قبل ديربي الشمال ضد المغرب التطواني غدا الاحد ضمن الدورة 10 اللي غيدخلو فارس البرغاز فالمحمدية وبلا جمهور.

اتحاد طنجة كيعيش أزمة حقيقية والمستقبل ديال النادي ضبابي، ورغم كل التدخلات فاللاعبين ما باغينش يتدربو وكيطالبو بالمستحقات ديالهم، وحتى الثقة ما بينهم وبين المكتب المديري ما بقاتش.