الرئيسية > كود سبور > اللعابا ديال المغرب راجعين يتدربو باش يوجدو ل بلجيكا فانتظار قرار هيفتي فحالة مزراوي وحكيمي
24/11/2022 11:47 كود سبور

اللعابا ديال المغرب راجعين يتدربو باش يوجدو ل بلجيكا فانتظار قرار هيفتي فحالة مزراوي وحكيمي

اللعابا ديال المغرب راجعين يتدربو باش يوجدو ل بلجيكا فانتظار قرار هيفتي فحالة مزراوي وحكيمي

كود سبور//

غادي يرجعو اللعابا ديال المنتخب الوطني المغربي يتدربو من بعدما لعبو الماتش ضد كرواتيا البارح فالجولة الأولى من كأس العالم 2022، وهو الماتش اللي سالا بالتعادل، ودابا غادي يبداو يوجدو لمباراة  بلجيكا الأحد الجاي.

المنتخب الوطني المغربي غادي يدير حصة تدريبية هاد العشية فتيران الدليل مع 4، وغادي يركز فيها المدرب وليد الركراكي والطاقم التقني ديالو على اللياقة البدنية ديال اللعابا اللي لعبو الماتش البارح وغادي يديرو لهم تمارين خفيفة باش يحيدو منهم لعيا، أما العناصر اللي ما لعباتش غادي تدرب بشكل عادي.

الحصة التدريبية ديالو اليوم غادي يغيب عليها نصير المزراوي اللي موعت، وغادي تبين الجاهزية ديال عدد من اللعابا للماتش الجاي ضد بلجيكا، فحال أشرف حكيمي اللي مقصح فالفخذ ديالو.

وكان المنتخب الوطني المغربي تعادل البارح الأربعاء مع كرواتيا فأول ماتش من كأس العالم قطر 2022، زيرو لزيرو اللي لخلاه ياخد نقطة وحدة، غادي يلعب فالماتش الجاي ضد بلجيكا نهار الأحد.

موضوعات أخرى

07/12/2022 07:00

احسن ما يمكن نفيقو عليه فبلادنا. والو مازال ما صدقنا باللي ربحنا الصبليون ووصلنا لربع كأس العالم واجيو نرجعو لفرحة مغربية خلات راسنا مرفوع. غير بالتصاور بلا بلا بلا بلا