گود سبور//

بداو عدد من اللاعبين المغاربة الموسم الجديد، بإصابات صعاب مع فراقيهم، وغادي تخليهم يبعدو من الكورة لأشهر طويلة.

البارح الاحد تضرب أيوب الكعبي مع الفريق ديالو أولمبياكوس فبطولة اليونان، وتهرس فرجليه ودار عليها عملية جراحية وحسب المعلومات المتوفرة غادي يغيب ما بين 6 حتى 7 شهور.

وقبل منو تعرض المدافع شادي رياض للإصابة مع كريستال بالاس النگليزي، والمعلومات كاتقول أنه تقطعو له ليگامو ديال ركبتو وغادي يغيب حتى هو لمدة اشهر طويلة.

نفس الشي بالنسبة ليوسف بلعمري اللي توعت فالمعسكر الإعدادي مع الأهلي المصري، ودار عملية جراحية فألمانيا على ليگامو، ودابا كايخضع للعلاج والتتبع الطبي فالمغرب بتنسيق بين الأهلي والطاقم الطبي للمنتخب المغربي، ومن المنتظر حتى يغيب على اللعب لمدة اشهر.

وربيع حريمات حتى هو تعرض لإصابة صعيبة مع الفريق ديالو الشمال القطري، وتقطعو له حتى هو ليكامو د ركبتو، ومن المتوقع حتى هو يغيب لمدة طويلة.