الرئيسية > آش واقع > اللحم غلا هاد السيمانة.. وهذي تفاصيل أثمنة الخضرة والديسير فسوق الجملة فكازا 
15/07/2020 17:50 آش واقع

اللحم غلا هاد السيمانة.. وهذي تفاصيل أثمنة الخضرة والديسير فسوق الجملة فكازا 

اللحم غلا هاد السيمانة.. وهذي تفاصيل أثمنة الخضرة والديسير فسوق الجملة فكازا 

عفراء علوي محمدي- كود//

بحال العادة كل أسبوع، دار سوق الجملة للفواكه والخضر التابع للمجلس الجماعي لمدينة كازا، ليست ديال الأثمنة الخاصة بالمنتوجات الفلاحية اللي كيتباعو بالكَرو، باش يحدد السقف ديال الأثمنة والثمن الأدنى ديالها حسب جودة كل منتوج، وماتكون حتى شي زيادة فهذ الوقت اللي كتعرف البلاد تخفيف للحجر الصحي فخضم حالة الطوارئ الصحية بسبب فيروس كورونا المستجد.

بالنسبة لثمن اللحم بالجملة فالباطوار ديال كازا فالثمن ديالو عرف ارتفاع بالمقارنة مع السيمانة اللي فاتت، لحم الغنمي ولا يدير دابا فالثمن الأدنى 46 درهم والثمن الأقصى 52 درهم للكيلو، وولا كيدير فالثمن ديالو الأدنى 45 درهم، والثمن الأقصى 56 درهم للكيلو.

أما بالنسبة للفواكه، كلها عرفات استقرار: لافوكا كتدير 12 درهم فالثمن الأدنى و19 درهم فالثمن الأعلى، بينما الفواكه الأخرى: البانان داير 7 دراهم الثمن الأدنى و11 الثمن الأقصى، البنان دالبلاد 4 دراهم فالثمن الأدنى و7 دراهم ونص فالثمن الأقصى، الليمون 3,50 دراهم فالثمن الأدنى و5 دراهم ونص فالثمن الأقصى، والتفاح دالبلاد 2 دراهم ونص فالثمن الأدنى و8 دراهم فالثمن الأقصى، والتفاح المستورد 8 دراهم والثمن الأدنى و13 درهم فالثمن الأقصى، 80 سنتيم أقل ثمن و2 دراهم و20 سنتيم فالثمن الأعلى.

أما الخضرة، فمعظم الأثمنة ديالها استقرات، باستثناء زيادة ثمن بعض الخضر بسنتيمات قليلة، وبالتالي حدد السوق الأثمنة ديال الخضرة الأساسية بالكيلوكَرام ف: ماطيشة درهم فالثمن الأدنى و2 دراهم و30 سنتيم فالثمن الأقصى، وخيزو 70 سنتيم فالثمن الأدنى ودرهم و30 سنتيم فالثمن الأقصى، البصلة درهم و20 فالثمن الأدنى ودرهم و30 فالثمن الأقصى، باطاطا 1 درهم ونص فالثمن الأدنى و2 دراهم و20 فالثمن الأقصى، البصلة الخضارية 80 سنتيم فالثمن الأدنى ودرهم و20 سنتيم فالثمن الأقصى.

وبخصوص الخضر لخرى حتى هي نفس الأمر، المكور أو الكرومب كيدير 60 سنتيم فالثمن الأدنى و1 درهم و20 سنتيم فالثمن الأقصى، والكَرعة الخضرة كتدير  2 دراهم فالثمن الأدنى و3 دراهم ونص فالثمن الأقصى، والخيار درهم فالثمن الأدنى ودرهم ونص فالثمن الأقصى، والدنجال درهم و1p سنتيم فالثمن الأدنى ودرهم و70 سنتيم فالثمن الأقصى، والكَرعة الحمرا درهم و30 فالثمن الأدنى و3 دراهم و30 فالثمن الأقصى

موضوعات أخرى

15/08/2020 08:00

الدكتورة غزوي لـ”كود”: ها علاش طالعة نسبة الوفيات بـ”كورونا” والتحاليل كدار بزاف ومختبرات القطاع الخاص غادي تخفف الضغط

15/08/2020 07:00

زلزال ماشي غير كروي فبرشلونة. بيكي: خاص كلشي يتبدل وانا اول واحد نمشي فحالي ايلى… ولابورطا كيطالب براس الرئيس والمدرب فهم راسو وها اللي غادي يعوضو