الرئيسية > آراء > اللحايا فالمغرب غا كايسمعو حس ” التحرش ” كايوليو باغين يلبسونا كاملين الحجاب ! آ سيدي أنا ماغاديش نتحجب و ماغاديش نلبس الزيف و غا بصحة بداك النقاب و شراوط افغانستان و هاكاك من حقي مايقيسنيش تاشي هايشمايشي ! سيدنا عاطينا الحرية نلبسو و اللحايا بغاو يگلعوها لينا
15/09/2021 18:00 آراء

اللحايا فالمغرب غا كايسمعو حس ” التحرش ” كايوليو باغين يلبسونا كاملين الحجاب ! آ سيدي أنا ماغاديش نتحجب و ماغاديش نلبس الزيف و غا بصحة بداك النقاب و شراوط افغانستان و هاكاك من حقي مايقيسنيش تاشي هايشمايشي ! سيدنا عاطينا الحرية نلبسو و اللحايا بغاو يگلعوها لينا

اللحايا فالمغرب غا كايسمعو حس ” التحرش ” كايوليو باغين يلبسونا كاملين الحجاب ! آ سيدي أنا ماغاديش نتحجب و ماغاديش نلبس الزيف و غا بصحة بداك النقاب و شراوط افغانستان و هاكاك من حقي مايقيسنيش تاشي هايشمايشي ! سيدنا عاطينا الحرية نلبسو و اللحايا بغاو يگلعوها لينا

سهام البارودي – كود//

فحياتي زرت بزاف د الشواطئ فالمغرب و عمت فيهم ولاحظت كيفاش المد الظلامي الهايشمايشي وصل للشواطئ و كيفاش عدد العيالات بالمايوات قل بالمقابل ولينا كانشوفو بزاف د العيالات كايعومو بالبيجامات و الدرابل للاسف ولكن بالرغم من هادشي مازال تقدر البنت اليوم تعوم فبزاف د المناطق فالمغرب بخاطرها ( ماشي شي خاطر عاوتاني) ولكن بلا مايعريوها هايشر و بلا ماتعرض للاغتصاب فحال فشي بلدان قريبة لينا ! و هادشي كايرجع بشكل كبير للقيادة الرشيدة لسيدنا و للدفاع ديالو على المرأة حيت بغينا و لا كرهنا حنا العيالات فالمغرب مباركين بأنه عندنا ملك حداثي فكر لينا فالمدونة و فمجموعة من القوانين لي كاتحمينا نوعا ما واخا مازال المجال مفتوح للنقاش  ! ولكن كون عولنا على الاحزاب السياسية لي مقاتلة غا مع المرقة د الانتخابات كورا صورنا غا الريح ! ايه تا ديك لي كاتسمي راسها حداثية و تقدمية ماعندهاش القلاقل النحاسية باش تدافع على حقوق المرأة و الحريات الفردية حيت كاتخاف تفقد الاصوات ديال هايشر فالانتخابات !

اليوم ملي بان موضوع التحرش فوسائل التواصل الاجتماعي اللحايا و صحاب قال الله قال الرسول مابغاوش يزگلو الفرصة بلا مايفكرونا بلي حنا رباعة المغربيات  المتبرجات بلي خاصنا “نتستروا” و كون نلبسو الحجاب احسن لينا ! اللحية عوض يدخل سوق كرو و يعتارف بلي التحرش جريمة ماكاتبررها حتى حاجة و خصوصا اللبس ! و بلي حتى فمكة المكرمة مو يقدرو يتحرشو بيها و يبوانتيو فيها لا ! هوا ساد عينيه و وودنيه على الواقع و باغي يحل غي زكو باش يقولينا تحجبوا ! تغمغموا ! لبسو النقاب ! خشيو راسكم وسط الدرابل !

ايوا لا آ سيموحمد ! انا بعدا ماغاديش نتحجب و ماغاديش نغمغم راسي و شبابي وسط الدرابل و هاكا! بزاف ديال العيالات فحالي رافضين هاد الافكار القروسطية و غايدافعو على حقهم فاللبس و ممارسة الحرية ديالهم و الحضور بشكل قوي فالفضاء العمومي و لي تحرش بيهم غايمشي يتربى  و نشوفو طلامط ديال صالونهم و مو كاتبكي فاليوتوب!

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم

23/09/2021 20:30

عاجل. مرشح الاشتراكي الموحد فـ الناظور ريب “الحفلة”.. الطعون ديالو طيحات مكتب البلدية ومرشح لرئاسة المجلس الإقليمي – أحكام

23/09/2021 19:30

رئيس الحكومة الإسبانية: دابا كنتسناو تشكيل الحكومة الجديدة.. وقدامنا فرصة كبيرة باش نرجعو العلاقات المزيانة مع المغرب