گود سبور//

كشفت اللجنة المنظمة لكأس العرب 2025 بقطر، على السبب اللي خلى الكار ديال المنتخب الوطني المغربي يتعطل، البارح الثلاثاء قبل من ماتش ليكيب ناسيونال ضد منتخب جزر القمر فـ تيران خليفة بالدوحة برسم الجولة الأولى من البطولة.

وكشفت قناة “الكاس” نقلا عن مصدر مسؤول من اللجنة المنظمة لكأس العرب، اللي قال لها: “جوج لاعبين فـ اللائحة الرسمية ديال المنتخب المغربي اللي هما مروان الوادني وطارق تيسودالي وصلو للدوحة بشكل منفرد (وبدون علم اللجنة) ودخلو لقطر عن طريق حصولهم على فيزا سياحية وماشي تطبيق هيّا الفيزا المعتمدة للبطولة أو المربوطة بالتصاريح الرسمية للبطولة”.

وكمل نفس المصدر وقال: “وتم اكتشاف أن اللاعبين موجودين مع المنتخب وبدون تصاريح وقد قمنا بإبلاغ البعثة قبل ما يمشيو للتيران بنص ساعة وطلبنا منهم يتسناو حتى تخرج اللجنة تصريح ويوصلوهم على الكار للتيران، ورفض الإداري أن الكار يتحرك حتى يكونو فيه اللاعبين وبقاو كايتسناوهم تقريبا 40 دقيقة حتى اقتنعو باللي كار خاصو يمشي، وخرجو لهم التصاريح للاعبين بجوج ووصلو على المنتخب للتيران”.

وزاد وضح: “الكار دار 15 دقيقة من الفندق للتيران وسبب التأخير هو أنهم رفضو يتحركو للتيران بلا هاد الجوج لاعبين”.