عمر المزين – كود///
خرجات اللجنة الوطنية المكلفة بمراقبة حماية المعطيات ذات الطابع الشخصي ببلاغ كتقول فيه باللي هي ماشي مسؤولة على عدم نشر اللوائح ديال الصحفيين من طرف المجلس الوطني للصحافة أو من طرف اللجنة المؤقتة.
اللجنة وضحات فبلاغ ليها، توصلات بيه “كود”، أن هاد الموضوع معندو علاقة بالاختصاصات ديالها القانونية، لكن عبرات باللي هي ماشي ضد نشر هاد اللوائح.
ورجعات اللجنة، ووضحات باللي هي ماشي معنية بالشؤون التنظيمية ديال التنظيم الذاتي لمهنة الصحافة وحتى بالتدبير المهني ديالها، كما نبهات بعدم حشرها فهاد القضايا اللي ماشي من الاختصاص ديالها.
