كود سبور//

أكدو لاعبات المنتخب الوطني المغربي لكرة القدم النسوية، أنهم واجدات لماتش الالي ضد زامبيا غدا الجمعة فزامبيا، ضمن الدور الرابع والأخير المؤهل إلى دورة الألعاب الأولمبية باريس 2024، وأنهم واجدين باش يربحو ويتكاليفاو.

ودارو لاعبات المنتخب الوطني المغربي النسوي، آخر حصة تدريبية قبل مواجهة منتخب زامبيا، وقالت سلمى بوكرش لاعبة ليكيب ناسيونال فتصريح لموقع الجامعة الملكية المغربية: “الاستعدادات كتدوز فأجواء زوينة بزاف، والجامعة الملكية المغربية وفرت لنا جميع الظروف باش نوصلو للماتش فأحسن حالة، وحنا الدريات واعيين بگاع المسؤولية اللي على كتافنا وأهمية الماتش، وإنشاء الله نلعبو غدا نحققو نتيجة إيجابية اللي تفرح الناس اللي مساندينا وديما مغرب”.

جاد ناسي اللاعبة الجديدة فالمنتخب المغربي، اللي فضلت تلعب للمغرب على فرنسا، حتى هي هضرت على الأجواء داخل المنتخب الوطني المغربي، وقالت: كاينة أجواء زوينة فالگروب وطاقة إيجابية وكنخدمو مزيان وحنا واجدين باش نعطيو گاع اللي عندنا فالماتش ضد زامبيا باش نتكاليفاو”.