گود سبور//

سالا المنتخب الوطني المغربي لكرة القدم النسوي الاستعداد ديالو لمواجهة منتخب زامبيا اليوم الثلاثاء، فماتش إياب الدور الرابع والأخير المؤهل إلى أولمبياد باريس 2024.

ودار المنتخب الوطني المغربي النسوي، آخر حصة تدريبة له قبل الماتش ضد زامبيا، البارح الاثنين فالليل فتيران مولاي الحسن فالرباط، وعرفت مشاركة گاع اللاعبات وكانت الأجواء حماسية وفيها تركيز كبير، وخدم معهم الناخب الوطني خورخي فيلدا على آخر اللمسات قبل الماتش.

وأكد الإسباني خوخي فيلدا مدرب المنتخب المغربي النسوي، فالحصة التدريبية الأخيرة قبل الماتش ضد الزامبيات، أن ليكيب ناسيونال واجدين باش يلعبو الماتش ضد زامبيا وبلي استعدو مزيان وخدمو على تصحيح أخطاء ماتش الالي، باش يربحو الروتور ويتكاليفاو.

غزلان الشباك الكابيتان ديال المنتخب المغربي، قالت إن الاستعدادات كان مكثفة وفيها تركيز وحماس كبير، واللعبات  باغيين يستافدو من الروتور حيث ملعوب فالمغرب، باش يستافدو من عامل الأرض والجمهور، وطالبت من الجماهير المغربية تجي للتيران وتشجعهم، باش يربحو ويتأهلو لأولمبياد باريس، اللي هو حلم بالنسبة لهم وباغيين يحققوه غدا.

نجمة وسط تيران المنتخب المغربي، إيلودي النقاش أكدت حتى هي وقالت: “كنوجدو مزيان وبجدية كبيرة الماتش ديال زامبيا، بصح ربحنا الماتش ديال الألي ولكن كلشي مازال ملعوب، وغنديرو گاع اللي فجهدنا باش نتأهلو لأولمبياد باريس”.