كود سبور//

ربح المنتخب الوطني المغربي للسيدات اليوم الثلاثاء الماتش الودي الثاني ديالو ضد منتخب أوغندا، واللي تلعب هاد العشية فتيران مولاي الحسن فالرباط.

وسالا الماتش بين المنتخب المغربي ومنتخب أوغندا، بنتيجة 3 لزيزو لمصلحة اللبؤات، وماركاو أهداف ليكيب ناسيونال كل من إيلودي النقاش، وإيمان سعود، وغزلان الشباك.

وكان المنتخب المغربي تعادل مع أوغندا الجمعة الماضي، بنتيجة 1 لواحد فالبير جيكو فكازا، فماتش ودي أول قبل ما يتغلب عليه اليوم بثلاثية، وكيدخلو الماتشات بجوج ضمن استعدادات اللبؤات لإقصائيات الألعاب الأولمبية 2024.