الرئيسية > آش واقع > اللا واش كاين الغش من الشركات باش يتخلاو على عمالهم ويوقفو ليهم الانخراط فالضمان الاجتماعي. 41 الف مصرح به وقف وشركة فالعقار ها كيفاش قولبات اللي خدام فيها
26/03/2020 12:30 آش واقع

اللا واش كاين الغش من الشركات باش يتخلاو على عمالهم ويوقفو ليهم الانخراط فالضمان الاجتماعي. 41 الف مصرح به وقف وشركة فالعقار ها كيفاش قولبات اللي خدام فيها

اللا واش كاين الغش من الشركات باش يتخلاو على عمالهم ويوقفو ليهم الانخراط فالضمان الاجتماعي. 41 الف مصرح به وقف وشركة فالعقار ها كيفاش قولبات اللي خدام فيها

كود احمد الطيب الرباط ///

الصندوق الوطني للضمان الاجتماعي خرج اليوم الاربعاء 26 مارس 2020 على الشركات اللي وقفات التصريح بمستخدميها فالصندوق بسباب تبعات “كورونا فيروس”. هاد الشركات عددها 9260 شركة اما عدد المصرح اللي وقفو الاعلان على التصريح  فوصل 41213 مصرح به. 

نورمالمون هادو كلهم غاديين يستافذو من الدعم اللي من المتوقع يوزعوه على هاد الفئات. غير هو هاد الرقم وفق خبير ل”كود” قليل بزاف. علاش؟ حقاش كاينة قطاعات كلها وقفات بحال السياحة اللي فيها بوحدها 750 الف اجير بلا ما نهدرو على البناء والنسيج اللي بقاو شركات قلال خدامات بحال اللي كيصيبو دابا ليماسك واللي عددهم 3 فقط. 

عدد المنخرطين فالضمان الاجتماعي ما كيفوتش فالمغرب اكثر من 2 مليون و700 الف مصرح به هاد الرقم ما فيهش اللي خداو التقاعد. 
عدد قليل فالبلاد ولكن الرقم ديال 41213 قليل بزاف وفيه كاين شي وحدين كيديرو الغش. بحال اللي شركة ديال العقار مروجة الحركة وكتربح مزيان بحال “ياميد للعقار” فرضات على الناس اللي خدامين معاها ياخدو الكونجي وياخذو كونجي 3 اشهر بلا حساب. قمة استغلال الظرف اللي لبلاد كلها مجندة باش تربح “كورونا فيروس”

وكاينين اللي عندهم الرواج وبغاو يتفكو من مساهمة الشركات فالضمان الاجتماعي. قمة الجشع

موضوعات أخرى