كود سبور//

عبر نور الدين البيضي رئيس شركة يوسفية برشيد على الفرحة ديالو بالمستوى اللي قدمو الفريق ضد الوداد الرياضي ضمن الدورة 24 من البطولة الإحترافية، وأكد أن المستحقات اللي توصلو بها اللاعبين موتيفاتهم وفنفس الوقت تأسف على الوضع اللي كيعيشو الواك.

وهضر نور الدين البيضي بعد تعادل يوسفية برشيد مع الوداد الرياضي زيرو لزيرو، وقال لميكرو “گود”: “عطينا للاعبين منح 6 أشهر والمعنويات ديالهم طلعت ونتمناو الماتشات الجايين نكونو فالمستوى الجيد”.

وكمل البيضي: “كنتأسف على فريق الوداد اللي كيعيش شويا ظروف صعبة، وهو فريق كبير وعتيد وحنا وقفنا له الند وما كناش كنتوقعو هاد النتيجة، وكنتمناو لهم التوفيق فالمستقبل ويخرجو حتى هما من هاد الأزمة”.

وأكد البيضي: “حنا غنبقاو ندافعو على حظوظنا فالبطولة حتى آخر لحظة وند للند، والأمور المادية فالفريق تحسنت واللاعبين خداو ليصالير ديالهم وغياخدو ليطرونش ديال منح التوقيع”.