كود سبور//

دايرين لاعبين سابقين ليوسفية برشيد وقفة احتجاجية قدام مقر الجامعة الملكية المغربية لكرة القدم فالرباط، وكايطالبو من العصبة الاحترافية تحل مشكل المستحقات اللي حاصلة عند الفريق الحريزي.

وحسب مصادر “گود” فاللاعبين ديال يوسفية برشيد دايرين وقفة احتجاجية فهاد اللحظات من اليوم الاثنين، وهي ثاني وقفة احتجاجية لهم بعد الاولى اللي كانت الاثنين الماضي، وكايطالبو بحل مشكل المستحقات ديالهم العالقة.

وكايحتجو اللاعبين السابقين ديال يوسفية برشيد وباغيين يعرفوكيفاش تم السماح للنادي السابق ديالهم أنهم يديرو التعاقدات ويسجلو اللاعبين الجداد، وبالمقابل هما كلاعبين صادرة أحكام لصالحهم من طرف العصبة الاحترافية ضد الفريق الحريزي باقيين ما توصلوش برزقهم اللي تحكم لهم.