الرئيسية > آش واقع > الكيف بوق برلمانيي المصباح. شي باغي يصوت ضد مشروع القانون والاغلبية: كنتسناو الامانة العامة اللي حتى هي دوختها العشبة
04/05/2021 10:30 آش واقع

الكيف بوق برلمانيي المصباح. شي باغي يصوت ضد مشروع القانون والاغلبية: كنتسناو الامانة العامة اللي حتى هي دوختها العشبة

الكيف بوق برلمانيي المصباح. شي باغي يصوت ضد مشروع القانون والاغلبية: كنتسناو الامانة العامة اللي حتى هي دوختها العشبة

كود الرباط – احمد الطيب ///

فريقي البي جي دي فالبرلمان =مجلس النواب والمستشارين= دايرين ضغط كبير علي الامانة العامة لحزب العدالة والتنمية. علمت “كود” ان اجتماع دارو مكتب الفريق البارح الاثنين طلب من الامانة العامة للحزب تعطي القرار اللي خاص يتاخدو اعضاء الحزب بخصوص مشروع قانون الكيف. اي بغاوهم يقولو ليهم واش يصوتو ولا اللا.

عضو من الفريق قال لـ”كود” باللي هاد القرار حزبي وخاص قرار الامانة العامة٬ واضاف ل”كود” الحزب هو اللي كيسير الحكومة وما يمكنش لينا ناخدو القرار اللي بغينا. ما يمكنش لينا نصوتو ضد قرار جابتو الحكومة. اذن محتاجين ليهم”.

العضو قال لـ”كود” باللي كاينين اعضاء فحدود 7 حتى 10 غاديين يصوتو ضد هاد القانون ولكن الباقي مازال تالف. واش نصوتو ضد او نمتانعو. لحد الان ما عارفينش. خاص الامانة العامة تقول لينا اش نديرو” يضيف المصدر لـ”كود”.

اعضاء من الحزب يشرح مصدر “كود” باغيين يصوتو ضد عكس فالداخلية اللي جابتو. كيقولو باللي هاد الوزارة كتضيق على بعضهم وكيحملوها مسؤولية ماشي غير قانون الكيف٬ بل حتى القاسم الانتخابي. لكن هاد الخطوة٬ يضيف مصدر “كود”٬خاصها قرار قيادة الحزب.

البارح الاثنين كان اجتماع للامانة العامة للحزب. حتى هي منقاسمة. كاين تيار معاه منهم مصطفى الرميد وعزيز الرباح ومنهم اللي معتارض عليه.

وفق مصدر لـ”كود” يتوقع يعقد اليوم الامين العام للحزب اللي هو رئيس الحكومة اجتماع مع الفريق على قبل هاد الموضوع. الكيف بوق كلشي

موضوعات أخرى

13/05/2021 21:00

رفيقي قصف المسلسلات المصرية اللي كتسوق لمغالطة صناعة ميريكان للتنظيمات الجهادية: هذا استخفاف بالعقول وفكرة سطحية.. ومايمكنش تكون أحداث 11 شتنبر غير تمثيل

13/05/2021 20:30

الصبليون.. 170 عاملة موسمية مغربية محنسرات فـ ويلبا. بغاو يرجعو لأسباب صحية أو على قبل الولادة أو وفاة أقارب والعودة ديالهم معلقة

13/05/2021 18:30

منشور “فايك” تداولوه الإعلام على استمرار تعليق الرحلات مع 54 دولة.. ومسؤول فالمكتب الوطني للمطارات لـ”كود”: ماصدرنا حتى بلاغ اليوم