وكالات//
الصحافة الكويتية قالت بللي واحد الممثل الكويتي جديد دخل فلائحة الفنانين اللي سحبوا منهم الجنسية، وهذا جاء ضمن مراجعة عامة شملت الآلاف، وكان السبب ديال السحب متعلّق بالتزوير وتقديم معلومات مغلوطة.
صحيفة “الرأي” وبعض وسائل الإعلام الأخرى ذكرت أن اللجنة العليا للتحقيق قررت تسحب الجنسية من واحد الممثل اللي وصفوه بـ “المعروف”، بعد ما تسحبت الجنسية ديال والده وأبنائه، بشكل تلقائي.
القرار ديال سحب الجنسية ديال الفنان جا مع اجتماع اللجنة العليا، البارح الخميس، اللي قرروا فيه يسحبوا الجنسية من 434 شخص باش يعرضوهم على مجلس الوزراء.
ومن المتوقع أنه يتم الكشف عن الأسماء اللي شملهم قرار سحب الجنسية السيمانة الجايا، بعد موافقة مجلس الوزراء فاجتماعه الدوري.
وقبل شي يامات، كان قرار بحالو سحب الجنسية من الشاعر عبد الوهاب أحمد غلوم، وقرارين آخرين السنة الماضية شملوا الفنانة نوال.
