أنس العمري-كود///

خرج الكوميدي حمزة الفيلالي، اليوم الأحد، من حبس عكاشة فكازا، بعد ما دوز ثلاثة أيام داخل هاد المؤسسة السجنية على إثر متابعته بسبب شكايات مرتبطة بشيكات بلا رصيد.

وعلن صديقو “صويلح” خبر الخروج ديالو فواحد الفيديو، اللي قال فيه بأن الفيلالي ولى “حر وطليق”.

وكالت مصادر أن الفيلالي استرجع حريتو بعدما تسوات الديون ديالو وتخلصو المبالغ لي كانت مستحقة من قبل أشخاص، بالإضافة لتنازل المشتكين.