كود سبور//
أكد الكول ديال إنييمبا النيجيري أن الفريق ديالو محترف وما غيتأثرش بمشكل تأخر الطيارة ديالو فالوصول إلى المغرب باش يلعب مع الوداد إياب ربع نهائي السوبر ليك الأفريقي.
وتحدث حارس مرمى إنييمبا أوجو أورولنيكي، فالندوة الصحافية اللي كتسبق ماتش الفريق ديالو مع الوداد الرياضي وقال: “حنا فريق محترف ما غنتخباوش ورا مشكل الطيارة”.
وأكد الكابيتان ديال إنييمبا: “جينا للمغرب باش نربحو وحنا إيجابيين وقادرين على تحقيق الفوز، وكيفما ربحونا الوداد فنيجيريا نقدرو نربحوهم هنا”.
