كود سبور//

وضمنو الكوكب المراكشي الطلوع إلى القسم الأول، بعدما تعادلو اليوم الأربعاء فريق مولودية وجدة بمدينة وجدة، برسم الدورة 29 من بطولة القسم الثاني، واستغلو خسارة رجاء بني ملال مع شباب أطلس خنيفرة فنفس الدورة ونفس التوقيت، أما يعقوب المنصور راه قربو يطلعو بعدما ربحو فريق سريع وادي زم بنتيجة 3-1.

ورفع الكوكب المراكشي الرصيد ديالو إلى 52 نقطة ومتصدر القسم الوطني الثاني، وضمن الصعود إلى القسم الأول على بعد دورة واحدة من نهاية البطولة، ويعقوب المنصور عندهم 50 نقطة، والتعادل ف ماتش الدورة الجايا ضد الكوكب يطلعهم للقسم الأول، أما رجاء بني ملال رجعو للمركز الثالث وبقات عندهم 47 نقطة، وأولمبيك الدشيرة عندهم 46 نقطة، والفراقي بجوج ضمنو يلعبو باراج الطلوع.

أما سريع وادي زم وأولمبيك خريبكة راه طاحو لقسم الهواة رسميا، بعدما خسر الأول مع يعقوب المنصور بنتيجة 3-1، والثاني خسر مع يوسفية برشيد بنتيجة 2-1، ونزلو برصيد 26 نقطة بعدما احتلو المركزين الاخير وقبل الاخير.