گود سبور//
قررت إدارة الكوكب المراكشي تزيد فعدد التذاكر لجمهور الوداد الرياضي، فالماتش اللي غادي يكون بين الفراقي بجوج غدا السبت فتيران مراكش الكبير ضمن الدورة 16 من البطولة.
وبعد الإقبال على 3000 تذكرة خرجتها إدارة الكوكب المراكشي لجمهور الوداد الرياضي، قررت إدارة الفريق المراكشي باش ترفع عدد تذاكر جمهور الواك لـ5000 تذكرة بطرح 2000 تذكرة جديدة للجماهير الودادية.
ومن المنتظر يكون حضور كبير فماتش الكوكب والوداد من جماهير الفريقين غدا السبت فتيران مراكش الكبير، حيث كل فريق باغي يقلب على الرباح ومحتاج له.