گود سبور//

غادي يديرو “الكورفا سود” المساندة للرجاء الرياضي، وقفة احتجاجية للمطالبة بالإفراج على صحابهم اللي تشدو البارح فماتش الكلاسيكو ضد الجيش الملكي ضمن الدورة 17 من البطولة الاحترافية فأحداث شغب عرفها تيران مولاي بين عبد الله بين جمهوري الفريقين.

وخرجو گروبات “الكورفا سود”، “گرين بويز” و”إيگلز” ببلاغ قاصح قالو فيه إن الجمهور تعذب باش يدخل للتيران وباش يخرج منو، وهذا الشي كايوقع شحال من مرة ملي كايلعبو فالرباط، ووصفو التنظيم بالفاشل.

“الكورفا سود” علنو حتى على وقفة احتجاجية للمطالبة بالإفراج غلى المعتقلين من صفوفهم اللي تشدو البارح فالكلاسيكو بين الرجاء الرياضي والجيش الملكي.