كود سبور//

باغيين النادي المكناسي اللي طلعو القسم الوطني الأول، وغايلعبو فيه ابتداء من الموسم الجاي، مدرب عندو تجربة وسبق له درب فالبروميير ديفيسيون.

وكشفت مصادر مطلعة، أن النادي المكناسي دخلو فمفاوضات مع الرجاوي زكرياء عبوب باش يدرب الفريق خلال الموسم المقبل، وباغيين يتعاقدو معه لمدة عامين.

وسبق لزكرياء عبوب درب فالقسم الأول من البطولة الاحترافية، وعندو تجارب تدريبية مع شباب السوالم وأولمبيك آسفي وحقق معهم نتائج مزيانة بالمقارنة مع إمكانياتهم.