كود سبور//

سناو أتليتيكو مدريد الإسباني مع موهبة مغربية جديدة، وكيتعلق الأمر باللاعب الشاب رضوان حلحال اللي جابوه يلعب معهم خلال المرحلة المقبلة.

وحسب أتليتيكو مدريد، فسناو مع المغربي رضوان حلحال لاعب المنتخب المغربي لأقل من 23 عام، اللي زايد ففرنسا وبالضبط مونبوليي، ودارو معه عقد باش يلعب معهم حتى لعام 2025.

ووضحو أتليتيكو مدريد أن اللاعب المغرب اللي عندو 20 عام عندو بزاف ديال الامتيازات حيث يقدر يلعب قلب دفاع وظهير.

ونقل أتليتيكو مدريد على الموقع ديالو تصريح لرضوان حلحال اللي قال: “متحمس حيث لهاد الفريق التاريخي، وفرحان حيث وليت من أفراد هاد العائلة”.