كود – كازا //

المحكمة الجنائية فـدواي ففرنسا حكمات على راجل عندو 60 عام بـ10 سنين ديال الحبس، حيث ثبت عليه أنه كان كيغتصب ولدو المعاق وكلبتو لسنين، الجديد فهاد القضية هو أن المحكمة اعترفات لأول مرة بالكلبة “سلطانة” كضحية عندها الحق فالتعويض.

القصة بدات ملي لولد صور باه كيغتصب كلبة من فصيلة جاك راسل، من بعد قال حتى أنه هو بدورو كان ضحية اعتداءات فالماضي، بهاذ الطريقة الكلبة كانت سبب غير مباشر باش يتفضح الأب وتفتح القضية.

المحكمة اعتبرات أن الحيوان حتى هو تضرر نفسياً وجسدياً، وعطات تعويض 2000 يورو للجمعية لي كانت كتدافع على الكلبة، وزادت 2000 يورو أخرى على الضرر النفسي، المحامية أكّدات بلي هاد القرار سابقة فالقانون الفرنسي، حيث قليل ما كيتم الاعتراف بالحيوانات كضحايا فمحكمة جنائية .

حتى فالمغرب كاينة هاد الظاهرة ديال اغتصاب الكلبات، كتيرتها فالفيلاجات وحتى فالمدن، خصوصا من طرف المراهقين هادشي لي كيشكل خطر على الكلاب وحتى على الانسان، بسباب احتمالية انتقالية الامراض.