گود سبور//

سالا ماتش الكلاسيكو بين فريق الجيش الملكي والرجاء الرياضي اليوم الخميس فتيران مولاي عبد الله بالرباط ضمن الدورة 17 من البطولة الاحترافية، بنتيجة 2-1 لمصلحة ليفار.

الماتش عرف أحداث شغب فالشوط الثاني بين جمهور ليفار ورجاويين، وناضت الروينة فالمدرجات بين المشجعين د الفريقين والعصى خدمات، وهاذ الشي وصل لمنصة الصحافة، والگرياج والزاج الفاصل فالتيران طاح وتهرس، وتدخل الأمن ووقف هاذ الشي وكاينين اعتقالات.

وبالرجوع للكورة فالرباح خداو منو الجيش الملكي 3 نقاط، وولى رصيدهم 35 نقطة وطلعو للمركز الثاني والرجاء الرياضي رجعو من المركز الثاني للمركز الثالث وبقات عندهم 33 نقطة.