كود سبور//

كيواصل الدولي المغربي أيوب الكعبي التألق مع فريق أولمبياكوس، وساهم فرباح جديد ديالو اليوم الاربعاء، فماتش أمام أليس سالونيكا ضمن الدورة 6 من منافسات البطولة اليونانية.

وسالا الماتش بين أولمبياكوس وأليس سالونيكا بنتيجة 4 لواحد لمصلحة أيوب الكعبي وصحابو، وماركا منهم الهداف المغربي 2 بيوتا، الثاني والثالث فالدقيقة 63 و70 من الماتش.

الحصيلة ديال أيوب الكعبي مع أولمبياكوس من الأهداف وصلت إلى 8 البيوتا هذا الموسم مع الفريق، وهو الأول له مع أولمبياكوس اللي سنا معه فأخر أيام الميركاتو الصيفي الماضي، والكعبي هو البيتور ديال بطولة اليونان وماركي فيها 5 الأهداف.