كود سبور//

خدا الدولي المغربي أيوب الكعبي صدارة اليوروبا ليگ، بعدما قاد فريق أولمبياكوس اليوناني إلى تحقيق التأهل إلى ثمن نهائي المسابقة.

وبعدما سالات مرحلة الدوري بمسابقة اليوروبا ليگ، بإجراء الجولة الأخيرة البارح الخميس، واللي عرفت تسجيل أيوب الكعبي لهدفين على كارباگ أگدام الأذربيجان من أصل 3 لزيرو ربحو بها أولمبياكوس الماتش، قدر يتصدر المهاجم المغربي قائمة الهدافين ديال اليوروبا ليگ.

ويحتل أيوب الكعبي المركز الأول لهدافي اليوروبا ليگ برصيد 7 أهداف مناصفة مع اللاتفي يانيس ايكونيكس لاعب ريجاس فوتبول اللاتفي، مع العلم أن الكعبي ما مسجل حتى شي بينالتي عكس اللاتفي اللي ماركي بينالتي واحد.

للإشارة فاللائحة ديال هدافي اليوروبا ليگ، كاين فيها حتى الدولي المغربي الاخر يوسف النصيري هداف فنربخشة التركي، واللي عندو 4 أهداف وهو فالترتيب الرابع.