كود سبور//
بارك الدولي المغربي أيوب الكعبي الرباح للي حقق المنتخب المغربي على تنزانيا فإقصائيات مونديال 2026، للجماهير المغربية أكد أن الماتش كان مهم للاعبين باش يولفو على الأجواء الإفريقية.
وتحدث أيوب الكعبي بعدما المنتخب المغربي ربح تنزانيا وقال فتصريح له: “مبروك علينا هذا الرباح، كنهديوه للجماهير المغربية.. أول رباح فإقصائيات كأس العالم وكان مهم لنا باش نولفو على الأدغال الإفريقية”.
وكمل الكعبي: “جينا قبل من الماتش بـ4 أيام، ولفنا على الجو وخا كاينة الرطوبة طالعة، ولكن حنا اللاعبين كنتأقلمو مع أي جو والمهم عندنا هي 3 د لبوان وكنهديوها للجماهير المغربية اللي ما كتبخلش علينا بالدعم ديالها”.