كود سبور//

حقق الدولي المغربي ايوب الكعبي ارقام خيالية فالكورة الأوروبية مع الفريق ديالو أولمبياكوس اللي لاعب دابا روتور دومي فينال الكونفيرونس ليگ ضد أستون فيلا النگليزي.

وقدر أيوب الكعبي يفتتح التسجيل لأولمبياكوس بهدف فمرمى أستون فيلا فالدقيقة 10، وبهذا الهدف ولا النجم المغربي أو مهاجم إفريقي كيماركي 14 هدف فموسم واحد فالمسابقات الأوروبية.

ايوب الكعبي مع أولمبياكوس اليوناني فأول موسم له مع الفريق، وباغي يحقق معه مسابقة الكونفيرونس ليگ اللي قربو يتأهلو للفينال ديالها حيث متقدمين على استون فيلا النگليزي بهدف واحد لزيرو مع العلم ان الكعبي ربحو لالي بنتيجة 4 لجوج.