كود سبور//

اعتبر الدولي المغربي ايوب الكعبي نجم أولمبياكوس اليوناني، راسو تظلم من حيث ما تختارش ضمن اللائحة النهائية للمنافسين على جائزة أحسن لاعب أفريقي لعام 2024، اللي ربحها النيجيري لوقمان، وسط جدل كبير واش يستاهلها ولا ما يستاهلهاش.

وهضر أيوب الكعبي اللي قاد أولمبيوس اليوناني لتحقيق انجاز تاريخي بالتتويج بلقب الكونفرونس ليگ الاوروبي 2024، وقال خلال حوار مع قناة “كنال بليس” الفرنسية: “أنا خدمت باش نكون مع العشرة الاوائل فالقارة الافريقية ولكن ما كتابش ونتمناو نزيدو نخدمو”.

وأكد ايوب الكعبي: “ما نكدبش عليك تفاجأت كيف تفاجأ الجميع، كنت نستاهل نكون فيها حيث قدمت حيث قدمت موسم رائع، ولكن كاتبقى اختيارات وهذا الشي كايزيد يخليني نزيد نخدم”.