كود سبور//

غيدخل الرجاء الرياضي فالماش ديالو اليوم السبت بعصبة أبطال إفريقيا ضد فايبرس الأوكندي، بلائحة كتكون أغلبها من اللاعبين الاحتياطيين بعدما ضمن التأهل لربع نهائي المسابقة.

وقرر التونسي منذر الكبير مدرب الرجاء الرياضي يدخل بلائحة رجاوية ضد فايبرس مكونة من الحارسين الاحتياطيين فخر، أ.الحداوي، الهدودي، عراصي، مدكور، لبيب، مجاهد، كامارا، الصبار، بنغيت، الحافيظي، حدراف، بولكسوت، الهبطي، الزرهوني، بنجديدة، ح.رحيمي.

واضطر المدرب منذر الكبير يخلي اللاعبين الأساسيين ديال الرجاء الرياضي يرتاحوا وما يلعبوش هذا الماتش ضد فايبرس الاوكندي، من بعد العياء ديال السفريات والرحلات خصوصا وأن الفريق كيديبلاصا غير فالرحلات الجوية العادي بسبب عجز البدراوي رئيس النادي فتوفير طائرة خاصة تنقل الفريق خارج المغرب.