كود- عن ياهو//

قال موقع “Yahoo” انه مؤخرا واحد المستخدم طرح سؤال على اشمن مدينة متعاودش تزور مرة أخرى وعلاش؟”، وتفاعلو التوريست مع السؤال وشاركو الاراء ديالهم ودارو تصويت.

والشوهة ديالنا هي ان مراكش جات هي اللولة فالكلاصمون ديال المدن اللي تحلفو عليها السياح وامبغاوش يعاودو يرجعو ليها.

وقال واحد فيهم انه جا للمغرب ومشا لمراكش، وخرج مع مراتو اللي أكد أنها كانت لابسة “محترم” ،و تبعوهم شي دراري وشي رجال وبقاو كيتحرشو بيها وبغاو يقيسوها، واضطرو يكملو العطلة ديالهم غير فالأوطيل.

وأضاف التوريست أن التجربة كانت خايبة وانه ماعمرو يعاود يرجع للمغرب وماكينصحش الناس تسافر بوحدها للمغرب حيث ماشي امن.

https://www.yahoo.com/lifestyle/people-sharing-cities-never-ever-171603957.html