گود سبور//

تأهل منتخب مالي إلى ربع نهائي كأس إفريقيا “المغرب2025” بعدما قصاو منتخب تونس من ثمن النهائي.

الوقت الأصلي من الماتش اللي تلعب بين مالي وتونس اليوم السبت فـ تيران مركب محمد الخامس بالدار البيضاء وعرف حضور كثر من 41 ألف متفرج أغلبهم بيضاوا، سالا بنتيجة 1-1، وكانت تونس هي الأولى اللي ماركات فـ الدقيقة 88، قبل ما ترجع مالي وتماركي هدف التعادل فـ الوقت بدل الضائع، ومشاو لعبو الشوطين الإضافيين اللي ما كانش فيهم الجديد، قبل ما يلعبو البنالتيات اللي ربحتهم مالي بنتيجة 3-2.

منتخب مالي اللي كان تأهل لثمن نهائي كاس إفريقيا بعدما احتل المركز الثاني فـ الكروب الأول ورا المغرب وتعادلو مع اسبوعا، غادي يلعب ضد منتخب السنغال فـ ربع النهائي، أما تونس اللي كانو تعادلو مع البرازيل فـ ماتش ودي قبل لاكان راه تقصاو من كاس أفريقيا.