گود سبور//
ما قدرش المنتخب الوطني المغربي، يحقق التقدم فـ الماتش اللي بادي دابا ضد جزر القمر ضمن افتتاح كاس افريقيا 2025.
الشوط الأول بين المنتخب الوطني المغربي وجزر القمر الملعوب فـ تيران مولاي عبد الله فـ الرباط، سالا بنتيجة التعادل السلبي زيرو لزيرو، وعرف تضييع المنتخب المغربي لضربة جزاء بواسطة سفيان رحيمي.
وعرف الشوط الأول أيضا، إصابة الكابيتان رومان سايس من جانب المنتخب الوطني المغربي، واللي خرج وما قدرش يكمل الماتش ودخل بلاصتو جواد الياميق.
منتخب جزر القمر واقف مزيان، ولكن المنتخب الوطني المغربي مطالب باش يحقق الرباح فـ هاد الماتش باش يبدا مزيان كاس افريقيا اللي هو المرشح الاول للتتويج بها، والركراكي خاصو يلقى حلول باش فـ الشوط الثاني باش السبوعا يماركيو ويخرجو رابحين.
