كود سبور- الرباط//

ضيع المنتخب الوطني المغربي فرصة التتويج بكاس أفريقيا للمرة الثانية فالتاريخ ديالو، وهاذ المرة فالأرض ديالو وبين جمهورو.

وخسر المنتخب الوطني المغربي نهائي كاس افريقيا “المغرب2025″، أمام منتخب السنغال اليوم الاحد فتيران مولاي عبد الله بالرباط، بنتيجة واحد لزيرو.

هدف الرباح ديال السنغال ماركاوه فالشوط الإضافي الأول بعدما سالا الوقت الأصلي بنتيجة التعادل زيرو لزيرو وزكل فيه براهيم دياز بينالتي بغرابة، وواخا حاول المغاربة يرجعو فالشوط الإضافي الثاني ومنها كورة ضربت فالعارضة.

السنغال ربحو ثاني لقب لهم فكاس أفريقيا بعد لقب 2021 بالكاميرون، والمنتخب الوطني المغربي مازال ما قدرش يربح لقب آخر فالمسابقة بعد لقب 1976 الوحيد للأسود فتاريخهم.