كود سبور//
هجم الجمهور الكاميروني على دار عائلة بريل إيمبولو لعاب سويسرا اللي أصلو من الكاميرون من بعدما ماركا للسويسريين هدف الرباح على بلادو الأصلية البارح الخميس فالجولة الأولى من كأس العالم قطر 2022.
شي مشجعين كميرونيين وحسب موقع 20 min” ” السويسري، تهجمو على الدار ديال عائلة بريل إيمبولو لعاب سويسرا فالكاميرون، من بعدما سالا الماتش ديال المنتخبين.
نفس المصدر قال بلي المشجعين اللي هجمو على الدار ديال بريل إيمبولو اللي كاينة فالعاصمة الكاميرونية ياوندي، بداو كيشيرو بالحجر وسرقو منها شي حاجة قبل ما يتدخلو البوليس.
وما بغاش بريل إمبولو لعاب كوناكو اللي تزاد الكاميرون واختار يلعب لسويسرا، يحتفل ملي ماركا على ولاد بلادو فكأس العالم وهز يديه للسما وقال الكاميرونيين سمحو ليا.
للإشارة فبريل إيمبولو تزاد فياوندي عاصمة الكاميرون وتفارقت الأم ديالو مع باه، وهاجرت هي ووالدها لفرنسا وتزوجت مرة أخرى عاشو فسويسرا، واختار إيمبولو يلعب للمنتخب السويسري عام 2015.
