وكالات//

وقّع حادث مفاجئ فحديقة هانغتشو سفاري فمقاطعة تشجيانغ شرق الصين، مللي هاجم دب حكل واحد الحارس من بعد ما سالات جولة من العروض الحية، وهادشي خلق جدل كبير فالسوشيال ميديا حول واش خاص يبقاو هاد العروض ديال الحيوانات ولا لا.

وبينات مقاطع فيديو الحادث اللي وقع فوسط العرض، الحراس كيسوقو جوج ديال الدببة الكحلين للمسرح باش يديرو جولة إضافية.

واحد من الدببة دار العرض بشكل عادي، ولكن الدب الثاني هجم فجأة على الحارس، طيحو ودفعو، والحارس حاول يهرب.

وتدخلو موظفين آخرين بسرعة، مستعملين أدوات مسرحية بحال الكراسي والعصي باش يبعدو الدب على الحارس، ولكن الدب هجم مرة أخرى، واضطرّو يستعملو القوة باش يفصلوه عليه نهائياً.