الرئيسية > كود سبور > الكامرون ما وجداش لـ2021.. الكاف كيفكر يسحب منها “الكان” وها شكون لي مرشح يبلاصيها
02/10/2019 17:00 كود سبور

الكامرون ما وجداش لـ2021.. الكاف كيفكر يسحب منها “الكان” وها شكون لي مرشح يبلاصيها

الكامرون ما وجداش لـ2021.. الكاف كيفكر يسحب منها “الكان” وها شكون لي مرشح يبلاصيها

مصطفى الشاذلي – كود سبور//

الكامرون مازال ما وجداش لتنظم كأس إفريقيا للأمم المقررة في 2021، بسبب التأخر في أشغال البناء وترميم الملاعب المرشحة لاحتضان مباريات الكان.

المنشٱت الرياضية ما كاملاش والخدمة معطلة ومحال تسالي فالوقت المخصص لذلك.

الصحافة الكامرونية عبرت على قلقها ودقت ناقوس الخطر، بسبب تأخر الأشغال فالعديد من الملاعب، الشيء لي غادي يخلي الاتحاد الإفريقي لكرة القدم الكاف يفكر في سحب التنظيم من هاد البلد للمرة الثانية على التوالي، بعدما كان مقررا تنظيم نسخة 2019، قبل ما تمشي لمصر.

هاد المشكل خلا الكامرونيبن يتساءلوا نفسهم عن قدرة بلادهم في تنظيم النسخة جاية، لي باقي على موعدها عام ونصف تقريبا.

الكاف قرر يصيفت لجنة تقنية مختصة فهاد ليامات حاية للكامرون باش تشوف فين وصلات الأشغال وتلاقا مع المسؤولين الحكوميين بالكاميرون لمعرفة أسباب هاد التأخر غير المنتظر.

هاد المشكل خلا بزاف ديال الدول الإفريقية تعبر على الرغبة ديالها لتعويض الكامرون، من بينها الجزائر، لي أكدت جاهزيتها لاستقبال 24 منتخبا إفريقيا.

لكن الكامرون مازال متشبثة بحقها بالتنظيم واخا عندها التاخر وكتلتزم بإنهاء الأشغال فجميع الملاعب والمرافق فالوقت المناسب.

موضوعات أخرى

13/07/2020 15:00

كاين إستهتار كبير بالفيروس عند المغاربة وهادشي سبابو وزارة الصحة وطريقتها فالتواصل لي حولات الأمر من فيروس خطير وقاتل لمجرد ارقام ناشفة كتعرضهم وحدة فجوج دقايق وتمشي ولي مابقات كتعني للمغاربة حتى حاجة

13/07/2020 14:30

القوانين الانتخابية.. “كود” جابت أهم ما جا فمذكرة شبيبات الأحزاب: الكوطا فالدوائر المحلية وصندوق دعم القدرات الشبابية

13/07/2020 13:50

الخير موجود هاد العام.. ترقيم أزيد من 7 ملايين راس غنم ووزارة الفلاحة: عملية الترقيم غادي تسالي غدا ونتوقع توصل لـ8 ملايين راس