گود سبور//

يقدر الاتحاد الأفريقي لكرة القدم يحيد تنظيم كاس أفريقيا 2027، للثلاثي كينيا وتنزانيا وأوگندا ويعوضهم بالنسخة اللي من وراها، حسب ما كشفت عليه تقارير إعلامية فرنسية.

وقالت شبكة RMC الفرنسية نقلا على المواطنة ديالها “لوموند”، انه ممكن يتم نقل بطولة كأس الأمم الأفريقية 2027، اللي من المقرر إقامتها فكينيا وتنزانيا وأوگندا إلى دولة أخرى، بسبب تأخر اشغال البناء فهاد الدول، واه الكاف موجدين لهذا الشي.

وحسب نفس المصدر فالبلان B ديال الكاف فهاد لافير هي جنوب افريقيا اللي ممكن تنظم المسابقة غير بوحدها، وهذا الشي غادي يعطي الوقت للدول الثلاثة الأخرى يوجدو لكاس أفريقيا صيف 2028، وعادي تكون روندا حتى هي واجدة باش تاخد بلاصة وحدة فيهم إلى ما قدرتش تنظم.

وكاتجي هاد الخبار بالتزامن مع زيارة دايرها وفد من الاتحاد الافريقي لكرة القدم على راسو الأمين العام المؤقت سامسون ادامو إلى كينيا وتنزانيا وأوگندا لتفقد فين وصلت الأشغال.