الرئيسية > كود سبور > الكاف وقف سفيان أمرابط والجامعة استانفت لتخفيض العقوبة
02/04/2024 09:00 كود سبور

الكاف وقف سفيان أمرابط والجامعة استانفت لتخفيض العقوبة

الكاف وقف سفيان أمرابط والجامعة استانفت لتخفيض العقوبة

كود سبور//

عاقب الاتحاد الإفريقي لكرة القدم الدولي المغربي سفيان أمرابط، ووقفو بسبب البطاقة الحمرا اللي كان خدا فماتش جنوب إفريقيا ضمن ثمن نهائي كوب دافريك “الكوت ديفوار 2023” فيناير الماضي، وبدات الجامعة الملكية المغربية لكرة القدم الإجراءات ديالها لاستئناف العقوبة المسلطة على اللاعب، خصوصا وأن ليكيب ناسيونال عندها استحقاقات مهمة وأمرابط لاعب مهم وأساسي فصفوف الأسود.

وحسب مصادر مطلعة فاللجنة التأديبية ديال الاتحاد الإفريقي لكرة القدم عاقبت النجم المغربي سفيان أمرابط، ووقفاتو 2 ماتشات مايلعبهومش بسبب الطرد اللي كان خدا فالماتش ضد جنوب إفريقيا، وهو الماتش اللي كان سالا بإقصاء المنتخب المغربي من ثمن نهائي كأس افريقيا بالخسارة بنتيجة 2 لزيرو.

نفس المصادر وضحت، أن الجامعة الملكية المغربية لكرة القدم، قررت استئناف عقوبة الاتحاد الإفريقي للعبة المسلطة على سفيان أمرابط، وطالبت الكاف تخفيضها من التوقيف 2 ماتشات إلى ماتش واحد.

وحتى لدابا وفي انتظار قرار الاتحاد الإفريقي لكرة القدم فسفيان أمرابط ما غيلعبش مع المنتخب الوطني المغربي الجوج ماتشات الجايين فالإقصائيات المؤهلة إلى مونديال 2026، فشهر يونيو الجاي، والماتش الأول غيكون ضد زامبيا والثاني ضد الكونگو، واذا وافق الكاف على تخفيض العقوبة وهذا الشي ممكن بزاف حيث تدخل أمرابط اللي خدا عليه الحمرا كان تكتيكي باش يوقف اللاعب الخصم، وما داخلش فالتدخلات اللا رياضية، فغيكون اللاعب حاضر مع الأسود فالماتش الثاني.

موضوعات أخرى

21/04/2024 17:30

المطر يتوقف عن الهطول احتراما لحفل افتتاح مهرجان الثقافة الصوفية! كان صوت يقول لمنظمي المهرجان: عودوا إلى باب الماكينة

21/04/2024 17:15

الكاف صدمو الكابرانات ورفضو استئنافهم باش يبدلو توني نهضة بركان والقرار ديالو اللخر: هو إما يرجعو التونيات للفريق المغربي وإما USMA يخسرو الماتش. ها القرار

21/04/2024 17:00

عسكر لالجيري مازال زايد فهبالو ومگدم اتحاد العاصمة: باغيين يجيوب تونيات ميطاسيون لنهضة بركان والفريق المغربي رافض وباغي يطبق قرار الكاف

21/04/2024 16:34

حرب بين “التجمعيين لقدام” و “التجمعيين جداد”. نايضة على التعيينات فالمناصب وتجديد هياكل البرلمان وشي وحدين بغاو يرجعو للتراكتور

21/04/2024 16:00

واش ولينا عايشين تحت رحمة “مافيات”؟ عون سلطة فتزنيت تكرفسو عليه مجهولين وتسببو ليه فإصابات خطيرة

21/04/2024 15:30

إنفانتينو: فرحان حيث رجعت للمغرب راه بلادي الثانية ومعولين عليه باش ينجح التظاهرات ومنها مونديال 2030

21/04/2024 14:30

مفخرة جديدة للمغرب وطبعا ماشي الإسلاميين موراها..الكاتبة فاطمة رومات حققات نجاح عالمي كبير بكتاب على الذكاء الاصطناعي ونافست كيسنجر