كود سبور//

حدد الإتحاد الإفريقي لكرة القدم اليوم الأحد، كل من مدينة الرباط ومراكش لاحتضان مباريات دوري أبطال إفريقيا للسيدات 2022، وغادي تساهم فتنظيم البطولة 3 ملاعب مغربية.

وعلن الكاف كل من تيران الأمير مولاي الحسن فالرباط، والتيران الكبير ديال بمراكش ليماتش ديال دوري أبطال إفريقيا، أما ماتش الفينال فغادي يتلعب فتيران الأمير مولاي عبد الله بالرباط.

وغادي تنطلق منافسات دوري أبطال إفريقيا للسيدات يوم 30 أكتوبر الجاري فالمغرب، مع العلم أن كرة القدم المغربية غادي تكون ممثلة فالمسابقة بفريق الجبش الملكي، اللي عندو رغبة باش يحقق إنجاز أفضل من اللي حقق فالنسخة الماضية بمصر ملي احتل المركز الثالث وكانت أول مشاركة له حينها فالبطولة.