گود سبور//
يتجه الاتحاد الأفريقي لكرة القدم، نحق تأجيل كأس افريقيا لكرة القدم داخل القاعة، اللي غادي يستاضفها المغرب فـ2026.
وكشفت مصادر “گود”، أن المكتب التنفيذي للاتحاد الأفريقي لكرة القدم، كايناقش حالي تأجيل بطولة كاس افريقيا للفوتسال “المغرب2026” من الفترة بين 6 و 15 أبريل 2026، اللي كانت مبرمجة تلعب فيها إلى الفترة بين 12 و 21 اكتوبر 2026.
نفس المصادر وضحت أن سبب التأجيل هو الأجندة اللي عامرة حاليا ديال المنافسات وعلى راسها كاس العالم 2026 فالميريكان وكندا والمكسيك.
للإشارة فالاتحاد الافريقي لكرة القدم، قرر تأجيل كاس افريقيا ديال العيالات اللي غادي ينظمها المغرب، من مارس اللي فات حتى الصيف الجاي بسبب الأجندة اللي عامرة د المسابقات وعلى راسها كاس العالم 2026.
