گود سبور//

صدمت لجنة الانضباط بالاتحاد الافريقي لكرة القدم، الهلال السوداني فالطعن اللي تقدمو له ضد نهضة بركان فالتأهل لدومي فينال دوري ابطال افريقيا، حيث زعما اللاعب حمزة الموساوي اللي لعب الماتش كان موقف بسبب تيست ديال المنشطات.

وحسب مصادر مطلعة. فلجنة الإنضباط بالكاف جاوبت على طلب الهلال السوداني بالرفض، وبعدم تحميل نهضة بركان مسؤولية السماح لحمزة الموساوي باش يلعب ضد ثمن النهائي ضد الفريق السوداني، حيث القرار السماح له باش يلعب جا من لجنة الانضباط نفسا وهي اللي كاتحمل فيه المسؤولية.

ومن المنتظر يمشيو الهلال السوداني لمحكمة التحكيم رياضي فها القضية، باش يطعنو فقرار لجنة الانضباط بالكاف، ومن جهة أخرى راه حتى نهضة بركان غادي يمشيو للطاس على قبل قضية حمزة الموساوي اللي كلى شي دوا بالغلط فيه مادة محظورة وتوقف عامين من طرف الكاف وهي عقوبة قاصحة بزاف.