كود سبور//

تبين مرة أخرى أن المغرب كايتعرض لمؤامرة داخل الاتحاد الأفريقي لكرة القدم، وأن الإشاعات ديال التحكم ديالو فالكاف هي غير وسيلة باش يعطيو هاد المتأمرين على التخطيط والخبث ديالهم ضدو.

ومرة أخرى لجنة الانضباط فالاتحاد الافريقي لكرة القدم تفرشت، وقررت تعطي عقوبة خفيفة للأهلي المصري بعد الشغب اللي دارو جمهورهم ضد فريق الجيش الملكي فالماتش السادس من دور مجموعات دوري أبطال افريقيا فستاد القاهرة، بعدما تعدا الجمهور ديالهم على لاعبين ليفار وضربوهم بالقراعي وتصاب فيها محمد حمودان.

الاتحاد الافريقي لكرة القدم، كان حنين تاني مع خصوم المغربي (خصوم فالكورة) وقرر يمنع الأهلي المصري من حضور الجمهور ديالو غير 2 ماتشات واحد منهم موقوف التنفيذ، بعدما شيرو فالماتش كامل على لاعبين الجيش الملكي بالقراعي، وعطاوهم غرامة 60 ألف دولار يخلصوها، فيها 10 دولار ديال استخدام الليزر ضد لاعبين ليفار.