الرئيسية > كود سبور > الكاف: بغينا كوب دافريك “موروكو 2025” يتلعب فالصيف.. الطقس فالمغرب بحال أوروبا والماتشات كيتلعبو فيه بالنهار والليل وجربناهم
03/10/2023 09:04 كود سبور

الكاف: بغينا كوب دافريك “موروكو 2025” يتلعب فالصيف.. الطقس فالمغرب بحال أوروبا والماتشات كيتلعبو فيه بالنهار والليل وجربناهم

الكاف: بغينا كوب دافريك “موروكو 2025” يتلعب فالصيف.. الطقس فالمغرب بحال أوروبا والماتشات كيتلعبو فيه بالنهار والليل وجربناهم

كود سبور//

كيتفاوض الاتحاد الإفريقي لكرة القدم مع الاتحاد الدولي “الفيفا”، باش يتقام كأس إفريقيا “المغرب 2025”، فالصيف وماشي فالشتاء، واللي محفزهم أن الجو المعتدل بالمغرب اللي غيخلي الماتشات يتلعبو فأي وقت من اليوم.

وكشف الموريتاني أحمد ولد يحيى عضو المكتب التنفيذي للاتحاد الافريقي لكرة القدم فحوار مع كنال بليس الفرنسية: “كاينة مفاوضات بين الاتحاد الإفريقي والفيفا حول اقامة كاس أفريقيا فالصيف، حيث من المتوقع يتنظم كوب دافريك فيونيو ويوليوز 2024 بالتزامن مع مونديال الاندية، والكاف كينيكوسي مع الفيفا”.

وأكد ولد يحيى: “كنقلبو على مصلحة الكرة الأفريقي ونجاح كوب دافريك، داكشي علاش باغين نظمو  المسابقة فالصيف حيث اللاعبين المحترفين غيكون موجودين ومتحررين عكس شهر يناير، وكنقلبو على الحل مع الفيفا”.

وذكر المسؤول فالكاف: “ديجا نظمنا كأس إفريقيا ديال العيالات فالمغرب فشهر يونيو عام 2022، وكانوا الماتشات كيتلعبو بنهار وبالليل، والمغرب فيه نفس الطقس فأوروبا تقريبا والظروف ديالو والإمكانيات كتسمح للماتشات يتلعبو فجميع الأوقات”.

موضوعات أخرى

05/12/2023 03:00

مرض جديد ف الشينوا كيضرب الدراري الصغار خالع العالم والصحة العالمية طلبات من بيكين تقارير صحيحة عليه