الرئيسية > كود سبور > الكاف” باغية تأجل “الشان” حتا لجوان وها المنتخبات لي تأهلات
21/10/2019 14:12 كود سبور

الكاف” باغية تأجل “الشان” حتا لجوان وها المنتخبات لي تأهلات

الكاف” باغية تأجل  “الشان” حتا لجوان وها المنتخبات لي تأهلات

كود مصطفى الشاذلي ///

الكونفدرالية الإفريقية لكرة القدم “كاف” باغية تأجل نهائيات كأس إفريقيا للمحليين، المقررة في الكامرون 2020، حتا لجوان.

المنتخبات الإفريقية رفعات طلب إلى الكاف باش تاخر موعد هاد المسابقة، بسبب التزام الأندية ديالها بالمشاركة في المسابقات الإفريقية والعربية.
وأكد مصدر مطلع ل”كود”، أن الكاف غادي تحيل هاد الطلب على اللجنة المنظمة للشأن باش تاخد القرار، لي كاتشوفو مرضي ومناسب لجميع الأطراف.

المنتخب المغربي سبق لي حجز مكان ديالو ف الشان، بعد الفوز على نظيره الجزائري بثلاثة لزيرو في الملعب البلدي في بركان نهار السبت لي فات.
والبارح الاحد اكتمل عدد المنتخبات المؤهلة بعدما ضمنات 8 منتخبات أخرى مقعدها في دورة الكامرون ويتعلق الامر بزيمبابوي، على حساب ليسوطو، الكونغو الديموقرطية على حساب إفريقيا الوسطى، الكونغو على حساب غينيا الاستوائية، بوركينافاسو على حساب غانا، غينيا على حساب السينغال، النيجر على حساب الكوت ديفوار، تونس على حساب ليبيا، ومالي على حساب موريتنيا.

وها المنتخبات 16، لي تاهلات
الكاميرون (البلد المنظم) والمغرب وتونس والسودان والكونغو الديموقراطية والكونغو برازافيل وزيمبابوي وبوركينافاسو وغينيا والنيجر ومالي ورواندا وطوغو وناميبيا واوغندا وزامبيا.

موضوعات أخرى

17/11/2019 17:30

سكوب. ها قصة فيديو يوتيوب اللي فيه اتهامات خطيرة بزاف لمسؤولين أمنيين. بطله مكحلها وروشيرشي فجرائم ثقيلة تجبدات فيها لملايير

17/11/2019 16:00

سبعة ديال الحوايج كايخليوك تكره تتعامل مع اغلب الحرايفية ! كانتعامل مع شي حرايفي و لا شي صنايعي كانكحل بالعما حيت ماكايحتارموش الوقت و ماكايتقنوش الخدمة ديالهم ! واش كلكم فحالي و لا غي بوحدي ؟