كود سبور//

قدرو 2 من لاعبين الرجاء الرياضي يديرو بلاصتهم ضمن أحسن تشكيلة ديال الجولة 4 من دوري أبطال افريقيا، وهي الجولة اللي ربحو فيها صن داونز الجنوب إفريقي السبت الماضي بواحد لزيرو.

واختار الاتحاد الإفريقي لكرة القدم 11 لاعب دارهم فأحسن تشكيلة للجولة 4 من دوري أبطال افريقيا، ومن بين اللاعبين اللي اختار كاين صابر بوگرين بتنقيط 8.1 نقاط، وبنعيسى بنعمر اللي ماركا هدف الرباح للرجاء الرياضي على صن داونز، خدا تنقيط 7.7 النقاط.

نفس التشكيلة تختار فيها الگول صن داونز ويليامز، كأحسن گول هذا الشي دليل على أن الرجاء الرياضي كانوا يربحو الفريق الجنوب إفريقي بكثر من هدف واحد، حيث كون ماشي ويليامز اللي هو أحسن گول إفريقي لعام 2024، كانوا صن داونز يخرجو خاسرين على الاقل بثلاثة لزيرو.