كود سبور//

تختار عدد مهم من لاعبين المنتخب الوطني المغربي لأقل من 20 عام، ضمن أحسن تشكيلة لكاس إفريقيا للشباب بمصر، واللي خسرو الفينال ديالو البارح الاحد مع منتخب جنوب إفريقيا.

واختار الاتحاد الإفريقي لكرة القدم، 4 لاعبين مغاربة ضمن أحسن تشكيلة لكاس إفريقيا للشباب، هما فؤاد الزهواني، وحسام الصادق، وحمزة كوتون، وعثمان ماعما.

وخدا المنتخب الوطني المغربي حتى جائزة الروح الرياضية، اعترافًا من الكاف بالأداء النزيه ديالو والروح التنافسية العالية اللي كانت عندو طيلة منافسات البطولة، مع العلم أنه كانت سلوكات فردية ديال شي لاعبين اللي ما بغاوش يسلمو على لاعبين جنوب إفريقيا ملي صفقو عليهم من ورا الماتش حيث ما تقبلوش الخسارة ديال اللقب، وهذا الشي ممكن يوقع ولكن خاصهم يخدمو عليه حيث الكورة فيها الرباح كيفما فيها الخسارة، وبالمقابل كاينين لاعبين آخرين تقبلو النتيجة وسلمو على الخصم.