كود سبور//

توضعت حافلة فريق الكوكب المراكشي فالمزاد العلني باش تباع، بسبب الأزمة المالية والتسييرية اللي كيدوز منها الفريق.

وتحط الكار ديال الكوكب المراكشي وميني بيس وطوموبيل ديال النادي، فالسيزي باش يتباعو، حسب ما حكمت به المحكمة التجارية لمدينة مراكش لفائدة 3 أشخاص كانوا مسؤولين سابقين بالنادي.

ويعيش الكوب المراكشي وضع صعيب بزاف، ما كيليقش بالتاريخ ديالو ولا حتى بمدينة مراكش، مع العلم أن فارس النخيل ضمن الصعود إلى القسم الثاني من البطولة الإحترافية بعدما دوز موسم فالهواة.