الرئيسية > ميديا وثقافة > الكاريكاتيريست اتهمو وزارة الثقافة بإقصاءهم من بطاقة الفنان.. ورئيس لجنة البطاقة كيرد عليهم عبر “كود”: ماكاينش إقصاء وممكن تكون ملفاتهم غير مكتملة.. ومازال كاينة إمكانية باش يراسلونا إلى وقع سهو أو خطأ
17/09/2020 20:00 ميديا وثقافة

الكاريكاتيريست اتهمو وزارة الثقافة بإقصاءهم من بطاقة الفنان.. ورئيس لجنة البطاقة كيرد عليهم عبر “كود”: ماكاينش إقصاء وممكن تكون ملفاتهم غير مكتملة.. ومازال كاينة إمكانية باش يراسلونا إلى وقع سهو أو خطأ

الكاريكاتيريست اتهمو وزارة الثقافة بإقصاءهم من بطاقة الفنان.. ورئيس لجنة البطاقة كيرد عليهم عبر “كود”: ماكاينش إقصاء وممكن تكون ملفاتهم غير مكتملة.. ومازال كاينة إمكانية باش يراسلونا إلى وقع سهو أو خطأ

عفراء علوي محمدي- كود//

نفى محمد بنحساين، رئيس لجنة بطاقة الفنان، ومدير مسرح محمد الخامس، أن تكون وزارة الثقافة قصات مجموعة من فناني الكاريكاتير من البطاقة هذ العام.

وقال بنحساين، فتصريحو ل”كود”، أن المرسوم المنظم لبطاقة للفنان واضح، والوثائق اللي خاص الإدلاء بها باينة وكيحددها القانون، “كيخص الفنان يدلي بوثيقة كتبين فين خدام، ويبين أنه كيمارس هذ المهنة فعليا، من خلال عقد العمل ديالو فمجلة أو جريدة، أو مشاركتو فمعارض”.

وإلى كان خطأ ففرز الملفات او وقع سهو “فالمرسوم كيعطي الحق للناس اللي ماخرجاتش ليهم البطاقة باش يراسلو اللجنة ويدليو بما يثبت أنهم كيمارسو فهذ المجال”، على حد تعبير بنحساين.

وأكد: “ماقصينا حتى شي حد، إلا إلى كانت الوثائق غير مكتملة، أو كان ناقص فالملف السجل العدلي اللي هو شرط أساسي للحصول على البطاقة، وكان سبق لهذ النقاش ديال إقصاء ليكاريكاتيريست تطرح فالدفعة الأول ديال البطاقة، وتبين بعد الاجتماع اللي درنا مع الرئيس أنه كاينين وثائق غير مكتملة”.

وقال أن اللجنة كتشوف حتى صحاب التكوينات وخريجي المعاهد حتى هوما عندهم الحق فبطاقة الفنان “واللجنة مكونة من مهنيين وممثلين فمجموعة من المجالات والهيئات المهنية من فنانين ومسيقيين وتشكيليين، ويستحيل الممثلين ديال هذ الهيئات يقصيو الزملاء ديالهم”، على حد قولو.

موضوعات أخرى

23/10/2020 11:00

الجدارمية مزال مفكو لغز الاختفاء الغامض للطفل “الحسين”: هادي اكثر من سيمانة مبان ليه آثار والمشتبه فيه اللّي تشد طلع غير نصاب ومعارفش مكان تواجد المختفي

23/10/2020 10:00

جهاز القوات المساعدة.. تعيين الجنرال دو ديفيزيون جبران مفتشا عاما بالمنطقة الشمالية خلفا للجنرال مستور وها شكون تدار فالمنطقة الجنوبية